Ish-ministrja e brendshme e Maqedonisë së Veriut, Gordana Jankullovska është dërguar në burg pasi Gjykata Supreme konfirmoi dënimin për rastin ”Tanku”.
Policia ka konfirmuar se ish ministrja do të vuajë dënimin prej 4 vitesh burg. Ajo ngarkohet për rastin “Tanku”, për blerjen e një makine luksoze nga Qeveria e Nikolla Gruevskit, raportojnë mediat maqedonase. I menjëhershëm ka qenë reagimi i VNRO-DPMNE-së.
“Gordana Jankulloska është viktimë e padrejtësive dhe persekutimit politik të mafias së Zaevit. Jankulloska shkon në burg për një makinë që e vozit dhe përdor Zoran Zaevi dhe mafia e tij, dhe në të njëjtën kohë kur e njëjta qeveri shpenzon mbi 8 milionë euro për të blerë automjete të reja zyrtare”, thuhet në komunikatën e VMRO-DPMNE-së.