Ish-Miss Brazili, Gleycy Correia është ndarë nga jeta në moshën 27-vjeçare, për shkak të komplikacioneve pas një operacioni për heqjen e bajameve.
Mbretëresha braziliane e bukurisë u nda nga jeta të hënën në një spital në Macae, në juglindje të vendit, disa muaj pas operacionit.
“Ajo bëri operacion për heqjen e bajameve në fund të marsit dhe pas 5 ditësh në shtëpi pati hemorragji. Ajo shkoi në spital dhe pësoi atak në zemër më 4 prill. Që nga ajo kohë ishte në koma dhe ndërroi jetë”, tha prifti i familjes për The Mirror.
Rezultatet e autopsisë pritet të nxjerrin më shumë detaje rreth vdekjes së saj të parakohshme.