Ish-Presidenti i Republikës, Bujar Nishani, kryetar i Këshillit Kombëtar të PD-së, deklaroi në “Open” se themelimi i partisë së re nuk është një zhvillim real por i stisur.
“Ne jemi vend i lirë dhe kushdo mund të përfshihet në politike, por këtu çështja është gjetkë. Edi Rama ka 20 vite në pushtet dhe nuk ka ofruar asnjë shërbim e kontribut publik”, tha Nishani, sipas të cilit, “Edi Rama ka ndikuar dhe financuar një fasadë politike siç është kjo lëvizje”.
Nishani e quajti Astrit Patozin një figurë që ka dhënë shumë për Partinë Demokratike, kontribut për të cilin – siç u shpreh, – meriton respekt.
“Nëse ka ardhur momenti që ai nuk e gjen më veten brenda PD-së dhe kërkon të shkojë diku tjetër apo të themelojë një parti të re, kjo mbetet diçka në të drejtën e tij, si dhe të gjithsecilit pjesë e politikës”,shtoi ai.