Me barazimin ndaj Vilarrealit, Real Madrid ka treguar sërish se është i brishtë dhe këtë sezon nuk mund të bëjë asgjë në kampionat.
Sipas ish-sulmuesit dhe ish-drejtuesit të madrilenëve, Pedrag Mijatoviç, Reali po e vuan jo pak largimin e Kristiano Ronaldos në verë. “Menduam të gjithë se fitorja me Villarrealin ishte e garantuar, – ka thënë Mijatoviç, – por pjesa e dytë ishte shkatërruese për Realin.
Këtë sezon ka pasur më shumë se një hap fals. Bejl më pëlqen shumë, por nuk është në gjendje të bëjë liderin si CR7. Po ashtu, është shqetësues fakti që dëmtohet kaq shpesh”, – ka përfunduar ish-sulmuesi madrilen, duke thumbuar uellsianin.