Bes Kallaku dhe Jona Spahiu u kthyen brenda pak kohësh në dyshen e preferuar në ekranet shqiptare. Ata bashkëmoderuan emisionin më të ri të humorit “Kosherja” çdo të dielë gjatë këtij sezoni televiziv. Në ekran ata shafqën shumë kimi dhe dukej se marrëdhënia e tyre ishte shumë e mirë. Por, si ka qenë marrëdhënia e tyre dikur.
Në një intervistë për “Living”, Jona ka treguar se me Besin, nuk kishte miqësi më parë. Ajo shtoi se ndonëse punonin në një televizion mezi përshëndeteshin në ambientet e tij kur shkëmbeheshin.
“Njiheshim, por në kufijtë e formales, aq sa mezi përshëndeteshim në ambientet e televizionit ku punonim të dy, duke ditur se sa VIP ishte Bes Kallaku (qesh). Përtej shakave, me Besin kemi një kimi që perceptohet lehtësisht edhe nga televizori”.
Gjatë këtyre muajve ajo provoi veten si aktore në disa skeçe dhe duket se është e hapur për role të tjera.
“Maksimumi mund të zëvendësoj Bleona Qerretin te filmi tjetër i Bes Kallakut (qesh). Nuk e kornizoj dhe as nuk e kufizoj veten, kështu që çdo projekt që më përfaqëson dhe më jep kënaqësi e energji të mirë, është i mirëpritur”