Është zgjidhur problemi i kamionistëve të bllokuar në Qafë Thanë sot në 25 shkurt.
Burime pranë pikës së kalimit kufitar kanë thënë se Drejtoria e Pëegjithshme e Doganave ka marrë kontakt me autoritetet e Maqedonisë së Veriut, të cilat do të lejojnë kthimin mbrapsht në Qafë Thanë të kamionëve si dhe do t’i pajisin me një document, ku do të mundësohet kalimi në pikën e kalimit kufitar të Bllatës, nga ku më pas marrin Rrugën e Arbrit për në destinacion.
Prej 4 ditësh dhjetëra kamionistë ishin bllokuar në Qafë Thanë, por edhe pranë Hotolishtit, si pasojë e shembjes së rrugës në Dragostunjë.
Një ditë më parë ata lëshuan edhe një apel ndaj shtetit shqiptar që t’i ndihmonte, pasi ndodheshin në situatë të vështirë.
Rreth 30 kamionë mbetën të bllokuar në pikën kufitare të Qafë-Thanës. Drejtuesit e mjeteve të tonazhit të rëndë prisnin prej disa ditësh për të kaluar kufirin./Klan