48 emigrantë, shumica shqiptarë, u shpëtuan pranë Gjirit të Somme në Francë, në tentativë për t’u larguar drejt Britanisë së Madhe.
Gjatë udhëtimit atyre iu është dëmtuar motori i gomones dhe për pasojë kanë mbetur të bllokuar në det.
Shoqëria Kombëtare për Shpëtim nga Deti mori sinjalizimin për një defekt. Ndaj, u desh ndërhyrja e rojeve bregdetare franceze dhe skuadrat e tyre të shpëtimit për të bërë të mundur nxjerrjen në breg të emigrantëve.
Mediat franceze raportojnë se shumica e emigrantëve ishin shqiptarë meshkuj, pesë gra dhe tre fëmijë. Fatmirësisht të gjithë janë pa probleme shëndetësore.