Mirjeta Hasani, bashkëshortja e Bilbil Hasanit, i cili u vetëvra në burgun 313, ka nisur betejën ligjore me drejtësinë. Ky i fundit ndodhej në burg, i akuzuar për vjedhjen e 1200 lekëve.
Në Durrës ka nisur seanca gjyqësore, ndërsa prokuroria e ka vendosur mosfillim hetimi, por bashkëshortja nuk është tërhequr, duke apeluar vendimin. Avokati i Mirjeta Hasanit nëpërmjet një deklarate pas përfundimit të seancës gjyqësore tha se është rivrarë për së dyti shtetasi Bilbil Hasani, pasi prokurori dhe gjykatësi i çështjes kanë vendosur mbylljen e çështjes.
Avokati mbrojtës tha se do të denoncojë pranë autoriteteve prokurorin e çështjes Afrim Shehu dhe gjykatësin Petraq Curi për vendimin e dhënë.
43-vjeçari nga Kukësi i dha fund jetës në burgun “313” në dhjetor të 2019. Bilbil Hasani, u gjet i varur me çarçaf në banjat e burgut në Tiranë nga rojet e katit.