I ftuar në emisionin ”Ëndërr kuq e zi”, trajneri i njohur shqiptar Shkëlqim Muça komentoi humbjen e Shqipërisë ndaj Çekisë duke e cilësuar si ndeshje pozitive.
“U zhvillua një ndeshje me halucinacione nuk pati vazhdimësie, fillimi ishte i mirë, por skuadra u çorientua, mbrojtja nuk ishte mirë, nuk u koordinuan, ekipi kundërshtarë na bëri presion lartë, 3 mbrojtës me 3 sulmues na vunë në vështirësi.
Pozitive në pjesën e parë ishte goditja e Cikalleshit. Skuadra jonë ndryshe nga ndeshja e kaluar ishte më sulmuese, dhe me hedhjet e në fushë të Dokës dhe Lenjanit ekipi ndryshoi, por futbolli është i tillë në momentin që mendon se ke vendosur baraspeshën e pëson.
Prandaj them se skuadra duhet të ketë më shumë besim. U panë shenja të mira sot, më shumë më pëlqeu loja sot pavarësisht nga humbja. Kur kemi topin duhet të ketë më shumë pjesëmarrje dhe besim.”