Një burrë nga Afrika e Jugut i cili mendohej se ishte njeriu më i vjetër në botë ndërroi jetë në moshën 116-vjeçare. Dokumentet e identitetit të Fredie Blom tregojnë se ai kishte lindur më 8 maj të 1904 dhe pse nuk u identifikua asnjëherë nga Libri i Rekordeve Gines.
Kur ai ishte adoleshent , e gjithë familja e tij u prek nga pandemia e Gripit Spanjoll, më 1918. Ai i mbijetoi të dy luftërave botërore dhe aparteidit.
Në 2018 Blom kishte thënë për BBC se nuk kishte ndonjë sekret të veçantë për jetëgjatësinë e tij. “Ka vetëm një gjë, dhe është ai lart (Zoti). Ai ka të gjithë fuqinë. Unë nuk kam asgjë. Unë mund të bija në çdo kohë, por Ai më mban mua”, ka thënë Fredie atëherë.
Blom e kaloi pjesën më të madhe të jetës së tij si punëtor i thjeshtë, fillimisht në bujqësi e më pas në industrinë e ndërtimit dhe doli në pension kur ishte 80 vjeç.