Ish-ministri i Drejtësisë, Ylli Manjani ka treguar bisedën e fundit me Kastriot Myftarajn, para se gazetari t’i jepte fund jetës duke u hedhur nga kati i katërt i banesës.
Në një reagim të bërë në “Facebook”, Manjani bën me dije se Myftari ishte paditur në gjyq nga kryeministri Edi Rama, dhe se gazetari i kishte kërkuar ta përfaqësonte si avokat.
“Kastriot Myftari ishte paditur në gjyq nga Edi Rama. Pak kohë më parë më shkroi në Whatsapp ku më kërkoi ta përfaqësoja si avokat. Nuk munda ta përfaqësoj sepse ndër të tjera po merresha me një operacion gjuri. Por Kaçi shkoi në atë botë edhe si i paditur nga Edi Rama. Kam idenë se është edhe sot pas vdekjes, i paditur…”, shkruan Ylli Manjani.