Autoritetet ekuadoriane kanë gjetur trupin e pajetë të avokates që u shpall e zhdukur pasi vizitoi një shkollë trajnimi policor.
María Belén Bernal, 34 vjeçe, u zhduk 10 ditë më parë pasi shkoi të takonte burrin e saj në kryeqytetin Quito.
Burri i saj është i dyshuari kryesor për vrasjen dhe është në arrati.
Zyrtarët thanë se eshtrat e saj u gjetën në një kodër 5 km nga shkolla e trajnimit.
Presidenti Guillermo Lasso tha se lajmi i shkaktoi një “dhimbje të thellë”, ndërsa u zotua se autorët e kësaj vrasjeje nuk do të kalojnë pa u ndëshkuar.
Drejtuesi i shkollës është shkarkuar dhe qeveria ka ofruar një shpërblim prej 20,000 dollarësh (17,800 £) për kapjen e bashkëshortit të zonjës Bernal, Leter Germán Cáceres.