Florentino Perez do të vazhdojë të jetë në krye të Real Madrid për të paktën edhe katër vite të tjera. Në fakt, ishte një formalitet rizgjedhja e tij si president i Los Blancos duke qenë se ai garonte i vetëm dhe nuk kishte asnjë alternativë tjetër.
Në këtë formë, epoka e tij në Madrid do të vazhdojë teksa Perez e drejton klubin prej vitit 2009, ndërsa më parë e ka udhëhequr edhe nga viti 2000-2006.
Perez ka qenë i suksesshëm si president ndaj edhe ishte e vështirë për ta rivalizuar, ndërsa synimi i tij tashmë është të rikthejë edhe njëherë një formacion galaktik teksa këtë verë do të tentojë nënshkrimin e Kilian Mbape, por edhe të Erling Haland. Një dyshe që bën të ëndërrojë tifozët e futbollit dhe te Real shpresojnë t’i shijojnë nga afër.