Ditën e djeshme, pasagjerët e avionit të nisur nga Tirana drejt Abu Dhabit kanë kaluar një eksperiencë të llahtarshme, teksa avioni me të cilin udhëtonin u godit nga një rrufe në fluturim. Ata shprehen se përjetuan momente të paimagjinueshme paniku dhe tronditjeje.
Mësohet se avioni është goditur nga një rrufe 10 minuta pasi ishte nisur nga aeroporti i Rinasit. Ndërkohë, njerzit që ndodheshin brenda tij janë tmerruar dhe kanë dalë të alarmuar nga avioni sapo ai ka mundur të ulet sërish në pistë.
Më pas, fluturimi u shty ndërsa pasagjerët thanë se shpërthimi ka qenë shumë i fuqishëm, aq sa ata kanë menduar se avioni bëri ulje të detyruar për shkak të një defekti në motor ose në turbina. “Ishte e frikshme, shpërthimi ishte i fuqishëm, nuk dinim çfarë të bënim”, janë shprehur pasagjerët.