Aktori i njohur i cili u bë shumë i dashur për publikun në një prej filmave për James Bondin, Kenneth Tsang ndërroi jetë sot në moshën 86-vjeçare.
Ai u gjet i pajetë këtë të mërkurë në një dhomë të hotelit “Kowloon” të Hong Kongut, teksa ndodhej në karantinë. Të shqetësuar pasi nuk po merrnin përgjigje, stafi i hotelit e ka hapur derën për të kontrolluar aktorin por e ka gjetur atë të shtrirë në dysheme pranë shtratit. Ndërkaq, tashmë pritet autopsia për të përcaktuar shkakun e vdekjes së tij.
Aktori që ka luajtur më shumë se 220 filma i kishte marrë të treja dozat e vaksinës kundër COVID-19 dhe nuk vuante nga ndonjë sëmundje serioze.
Tsang u fut në karantinë në hotel si pasagjer, pasi ishte kthyer nga një udhëtim jashtë vendit, megjithëse kishte rezultuar negativ në testin për Covid-19.
