Një burrë shqiptar i moshës 34 vjeç dhe gruaja e tij shtatzënë 28 vjeç janë arrestuar nga policia në Macerata në Itali
Arrestimi i tyre u krye pasi në banesën e tyre u gjetën pajisje që shërbenin për tregtimin e drogës.
Çiftit shqiptar iu gjetën 4000 euro të gatshme në banesë, ndërsa burri ishte emër i njohur për policinë, pasi edhe më herët kishte pasur probleme të theksuara me drejtësinë.
Paratë u gjetën të fshehura në pjesë të ndryshme të shtëpisë, të sistemuara mirë, në atë mënyrë që të ishte vështirë t’i gjeje. Ndërsa gruaja u lejua të kthehej në shtëpi nën arrest shtëpiak, burri u la në burg, në pritje të gjykimit për tregti droge. Ndërkaq, droga e kapur dhe paratë e dyshuara kriminale janë sekuestruar.