Ka përfunduar në pranga bosi i “Camorras”, Marco Di Lauro – një nga kriminelët më të kërkuar në Itali.
Aksioni i pazakontë bëri që autoritetet të hyjnë në banesën e tij, ku u gjet duke ngrënë makarona, ndërsa ka shprehur shqetësim për macet e tij.
Pas më shumë se 14 vitesh në arrati, autoritetet italiane arrestuan të shtunën Di Lauro, në një operacion të gjerë ku u përfshinë 150 oficerë policie.
Di Lauro u arrestua në një apartament në lagjen “Chiaiano” të qytetit jugor të Napolit.
Mediat italiane njoftuan se arrestimi ishte i lidhur me një vrasje që ndodhi më herët të shtunën, që u krye nga një njeri i lidhur me Di Lauro.