Policia italiane vuri në pranga një shtetas shqiptar, i cili përndiqte një shtetase italiane. Sipas mediave vendase, në pranga u vu personi me inicialet A.G, i cili me sjelljen e tij, ia kishte bërë mjaft të vështirë jetën të resë. Ai e njihte prej kohësh të dëmtuarën, ndërkohë që fillimisht i kërkonte asaj me mirëkuptim që të krijonin një lidhje, ndërkohë që më pas nisi presionit që ta bënte atë që të bindej.
Vajza tentoi disa herë që ta zbuste shqiptarin, duke ia bërë të qartë se kërkonte ta mbante si shok, por kur situata u bë e pamundur që të menaxhohej, atëherë vendosi që t’i kërkonte për ndihmë policisë.
Gjatë rrëfimit në polici, shtetasja italiane deklaroi se ishte detyruar të ndryshonte mënyrën e jetesës dhe zakonet për të shmangur përndjekjen e shqiptarit. Gjykata italiane vendosi që ta linte në “arrest shtëpie” të akuzuarin.