Media prestigjioze italiane “La Repubblica”, i ka kushtuar një shkrim të gjatë një shqiptari nga Fieri, i cili është kthyer në Hero. Gazmend Hysenajn ka bërë një një akt heroik duke tentuar të shpëtojë fqinjët e tij të bllokuar nën rrënojat e tërmetit 4.8 ballë i shkaktuar nga vullkani “Etna”.
Ai ka treguar për prestigjozen italiane momentet e tmerrit kur të gjithë kërkonin ndihmë, pasi shumë banorë kishin mbetur të bllokuar nën gërmadha duke ulëritur me të madhe.
“Janë momente që s’ mbarojnë kurrë. Mora gruan e tre fëmijët në krah e i nxora në rrugë me shpejtësi. Por fqinji vazhdonte të thërriste, “më shpëtoni, ndihmë, kam mbetur i bllokuar në gërmadha. Porta e banesës së tij ishte e bllokuar. U mundova ta hap duke e shtyrë me trup por ishte e pamundur. Në atë moment një tjetër lëkundje tërmeti na trembi. Mora tulla e gurë të rrëzuar që gjeta përreth e fillova ta shkatërroj portën, munda ta shpërthej e të ndihmoj fqinjin tim të dalë i gjallë nga gërmadhat e banesës”, tha Gazmend Hysenaj për La Repubblica.
Gazetarja shpjegon se shqiptari së bashku me disa të tjerë ka vënë në rrezik jetën e tij për të shpëtuar, familjen italiane, e cila mbeti nën rrenojat e shtëpisë, pas rrëniës së tërmetit të fuqishëm që tronditi Siçilinë./ Tirana news/