Italia po i drejtohet me shpejtësi një krize të re politike. Grupi parlamentar i partisë “5 Yjet” po forcon presionin ndaj qeverisë dhe synon të pengojë votimin në Senat të një pakete të re ndihme financiare. Një akt politik që mund të shënojë hapjen e krizës qeveritare.
Problemet brenda qeverisë e detyruan kreun e ekzekutivit Mario Draghi të ngjisë të hënën shkallët e Pallatit Quirinale për të takuar Presidentin e Republikës, Sergio Mattarella. Ngjitja e kryeministrit në kodrën më të lartë të Romës për një takim konfidencial që nuk ishte në rendin e ditës, i cili zgjati më shumë se një orë, sinjalizoi se era e krizës po fryn nga ndërtesat e Parlamentit dhe nga sekretariatet e partisë.
“Në qendër të bisedës”, thanë disa burime të Pallatit Chigi, “rezultatet e takimeve të fundit në Afrikë të Kreut të Shtetit, në Mozambik dhe Zambia”, por në fakt, edhe situata “politike, ekonomike, kombëtare dhe ndërkombëtare”.
Lëvizja e kryeministrit Draghi nuk vjen vetëm për shkak të kundërshtimit të partisë “5 yjet” për dekretin e ndihmës, i konsideruar “shumë serioz” nga emra të mëdhenj të mazhorancës. Gjithashtu Lëvizja e Silvio Berluscon-it e bindi kryeministrin se qeveria e tij nuk mund të ecë përpara në këtë mënyrë.
Udhëheqësi i Forza Italia-s i kërkoi kryeministrit të “shpëtojë nga logjika politike shantazhuese” e populistëve të partisë ‘5 yjet’ dhe të marrë në duar kontrollin e mazhorancës.
Në fokus të stuhisë politike, lëvizja populiste “5 Yjet” ka kërkuar nga qeveria Draghi t’u japë më shumë ndihmë familjeve dhe bizneseve të vogla të goditura nga rritja e çmimeve të ushqimit dhe energjisë.
Kryetari Giuseppe Conte paralajmëroi kryeministrin kundër frenimit të së ashtuquajturës dekreti i ndihmës, program për lehtësimin e varfërisë që filloi në vitin 2019.
Lidhja e Veriut duartrokiti, duke i çuar në tre forcat e bashkimit kombëtar të kapur pas xhaketës së kryeministrit. I lodhur nga presionet, Draghi tha “ndal” dhe u ngjit në Quirinale.