Italia ka përgatitur një tjetër paketë ndihme për të mbështetur bizneset e prekura nga pandemia e koronavirusit. Mediet fqinje raportojnë se qeveria ka miratuar paketën e re mbështetëse për të gjitha bizneset e prekura nga kufizimet e fundit anti-Covid.
Paketa e ndihmës, që është e katërta që nga fillimi i pandemisë në Itali, ka një vlerë prej 8 miliardë eurosh dhe shtyn afatet e taksave për kompanitë në zonat që po iu nënshtrohen masave të ashpra të bllokimit.
Ajo gjithashtu ofron nga një shumë prej 1.000 € për punëtorët në turizëm, arte, sporte si dhe caktimin e fondeve për sektorin e konventave dhe një prani të rritur të policisë për të siguruar respektimin e masave anti-koronavirus.
Italia ishte vendi i parë evropian që u godit rëndë nga virusi. Një mase e forte izolimi i 60 milion banorëve të saj vuri nën kontroll shpërthimin e parë, por, si kudo tjetër, numri i rasteve është rritur ndjeshëm në muajt e fundit.
Roma është përpjekur të shmangë një bllokim tjetër pas goditjes së parë të ekonomisë, duke u përqendruar te kufizimet rajonale së bashku me një shtetrrethim brenda vendit gjatë orëve të natës.
Kryeministri Giuseppe Conte do të takohet me krerët e 20 rajoneve të vendit më vonë sot për të përpunuar planin e Italisë për pushimet, me ekspertët e shëndetësisë të cilët paralajmërojnë shumë festime për Krishtlindje do të ndezin një valë të tretë.
“Ne jemi shumë larg nga thirrja për fitore,” tha zëvendës ministri i shëndetësisë Pierpaolo Sileri.
Ai tha se numri i njerëzve që takohen për të darkuar së bashku ka të ngjarë të jetë i kufizuar në gjashtë.
Ministria Italiane e shëndetësisë raportoi rreth 20,000 raste të reja dje dhe 541 vdekje, duke e çuar numrin e përgjithshëm në gati 55,000.