Arbër Çekaj i arrestuar për sasinë e konsiderueshme të kokainës të kapur në kontenierët e firmës së tij që vinin nga Ekuadroi ka reaguar për arrestimin e të atit një ditë më parë.
Ai thotë se po masakrohet e gjithë familja e tij, ndërsa shtoi se i ati është 72 vjeç dhe është një profesor i nderuar.
Selim Çekaj u arrestua një ditë më parë pasi në kontenierin me banane që vinte nga Ekuadori e i përkiste firmës së tij u gjetën 49 kg kokainë.
Vetë i moshuari u shpreh se është tregtar frutash dhe është policia ajo që duhet të gjejë kush e ka futur drogën.
Operacioni i Policisë është koduar me emrin “Mersin” duke iu refeuar portit në Turqi nga ku është nisur kontenieri me banane.
Mësohet se kokaina ishte e ndarë në 31 pako, e cila ishte vendosur në muret e jashtme të kontenierit me banane. Burimet bëjnë me dije se kontenieri i bananeve ka dalë me pullë të kuqe gjatë kontrollit në port, ndërsa Selim Çekaj ka kërkuar që ai të hapej.
Operacioni në vendin tonë është kryer nga drejtoria e Policisë së Shtetit në mbështetje dhe nga drejtoria e doganave.