Ish-deputeti i LSI-së, Petrit Vasili thote se implementimi i
reformës në drejtësi në disa momente është tërësisht zhgënjyes.
Ai ka shtuar se integriteti i drejtësisë së re do të ishte vija ndarëse me atë të vjetër, por që nuk ka triumfuar.
Sipas Vasilit, Vettingu është selektiv dhe me dy standarde dhe shpesh trupat e vettingut kanë në përbërje persona me integritet profesional dhe moral mjaft të ulët.
Reforma në Drejtësi si një realitet fake, i helmuar nga levdatat !!!
Reforma në drejtësi e imagjinuar si një proces i thelëe transformimi i drëjtesise, u duartrokit pa kursim që pa nisur.
U duatrokit “nxehtësisht” edhe ndersa ajo hartohej.
Vazhdon të duatrokitet edhe sot kur realiteti i implementimit të saj të mjaft momente kyçe është tërësisht zhgënjyes dhe kapja e saj është nje realitet i pakundërshtueshem.
Ndaj duatrokitjet, ekzaltimet qesharake, apoteozat e një reforme të sukseshme që në fakt nuk ekziston janë realisht një dëm akoma më i madh se sa vetë drejtësia që synuam të lëmë pas.
Ndërkombëtaret që i bien në mënyrë butaforike daulles së këtij suksesi imagjinar po i sjellin një dëm akoma më të madh asaj.
Insistimi politik e propagandistik i tyre thjesht ka deformuar qëllimin dhe thelbin e saj”, shkruan Vasili.