Katër ditë më parë Prokuroria e Tiranës sekuestroi bilancet e shkollës “Turgut Ozal” pasi dyshon se ky institucion është përdorur për pastrim parash.
Avokati i shkollës, Isuf Shehu bëri me dijë këtë të martë se është depozituar një padi në polici për shpërdorim detyre, pasi efektivët kanë ushtruar kontrolle pa patur një mandat nga prokuroria. Sipas Shehut kanë qenë 12 policë që kanë abuzuar me kanë kryer kontroll në shkollën “Turgut Ozal” dhe universitetin “Epoka”.
“Kanë ndodhur disa kontrolle që i gjykojmë se janë kundra ligjit, i kemi adresuar kallëzimin penal prokurorisë së Tiranës për procedurat përkatëse. Janë rreth 12 persona të kallëzuar. Ka ndodhur një kontroll i paligjshëm. Kanë kryer kontrolle, pa pasur një mandat, vendim gjykate dhe prokurorie. Këto veprime i ka diktuar dhe prokuroria 20 vite më parë. Kontrollet nuk mund të bëhen, veçse duke respektuar kodin”, tha avokati.