Ivanka Trump, vajza e madhe e presidentit të Amerikës, Donald Trump është kthyer në një ambasadore të Shqipërisë turistike. Ajo ka vizituar së bashku me familjen vendin tonë gjatë muajit qershor. Në një postim të fundit në Instagram, ajo ka ndarë disa foto, mes të cilave shfaqet së bashku me të birin në jugun e Shqipërisë.
Në sfond perëndimi, dhe ishulli i Sazanit, ku dhëndri i Donald Trump, pritet të investojë një super resort në një nga zonat më të bukura të Shqipërisë. Me statusin e investitorit strategjik prej janarit, dhëndri i Trump, Jered Kushner, do të ndërtojë një resort me vlerë 1.4 miliardë dollarë, edhe me shtetin shqiptar pjesë të investimit.
Vajza e Donald Trump më herët ka thënë se u mrekullua nga natyra e virgjër e ishullit dhe foli menjëherë me bashkëshortin e saj për të bërë çmos që Sazani të ishte një pjesë e tyre.
”Kushner mbeti gjithashtu pa fjalë kur e pa për herë të parë në vitin 2021, dhe u habit që një mrekulli e tillë kishte mbetur e paprekur dhe më pas u deshën 3 vite që që qeveria shqiptare të jepte miratimin paraprak për zhvillim”.
