Israel Aerospace Industries, ka krijuar një robot luftarak shumë të manovrueshëm që do të jetë në gjendje të kryejë misionet përkrah trupave tokësore. Ky rrobot do te neutralizojë dhe paralajmërojë forcat lidhur me kërcënimet e fshehura në fushën e betejës.
Administrata për Zhvillimin e Armëve dhe Infrastrukturës Teknologjike të Ministrisë së Mbrojtjes së Izraelit, ka përfunduar fazën e zhvillimit të sistemit Sahar: një eksplorues inxhinierik robotik dhe filloi fazën e testimit.
Sistemi u zhvillua për të kryer misionet operacionale në fusha të ndryshme, me theks në trajtimin e eksplozivëve dhe është një komponent i konceptit robotik para rojeve.
Sistemi përbëhet nga tre komponentë.
I pari përbëhet nga një platformë roboti gjashtë tonesh i aftë për të manovruar së bashku me një mjet luftimi të blinduar me ose pa ndërhyrjen e një operatori.
Komponenti i dytë është teknologjik, duke përfshirë kitin robotik, një sistem me një shumëllojshmëri të mjeteve të ndjeshmërisë, kamerave të zgjuar, sensor lazer, skaner dhe radarë.
Sistemi mund të përcaktojë një pengesë të njohur paraprakisht dhe nëpërmjet logjikës së para-programuar, ta kapërcejë atë.