Ushtria izraelite ka mohuar akuzat ndaj bombardimeve në spitalin më të madh të Gazës, Al-Shifa.
Izraeli deklaroi së fundmi se do të ndihmonte për evakuimin e foshnjave në “një spital më të sigurt” të dielën, pasi mjekët thanë se dy foshnje kishin vdekur dhe 37 të tjerë ishin në rrezik për jetë.
Ministri izraelit i Mbrojtjes ka paralajmëruar milicinë libaneze Hezbollah, se Izraeli mund të bëjë në Bejrut atë që po bën në Gaza. Yoav Gallant tha se grupi i mbështetur nga Irani mund ta tërheqë Libanin në luftë.
Ministria e shëndetësisë e drejtuar nga Hamasi, thotë se më shumë se 11 mijë njerëz janë vrarë në Gaza që nga ajo kohë, nga të cilët më shumë se 4,500 ishin fëmijë.