Bananet janë ndër frutat më të dashura për shumë njerëz, por edhe ndër më të ndjeshmet ndaj kushteve klimatike. Në vetëm pak ditë, ato mund të nxihen, të zbuten dhe të bëhen më pak të shijshme.
Por ka një truk të thjeshtë që mund t’i ndihmojë të qëndrojnë të verdha për më gjatë.
Gjithçka që duhet të bëni është t’i mbani larg frutave të tjera, si mollët, dardhat apo avokadot, të cilat lëshojnë një gaz që përshpejton pjekjen e bananes. Gjithashtu, vendi ku i mbani ka shumë rëndësi.
Bananet duhen ruajtur në një vend të freskët dhe të errët, larg dritës së diellit dhe larg nxehtësisë së tepërt. Temperatura ideale është rreth 12°C.
Mund të vendosni bananet në frigorifer, por vetëm kur ato janë të pjekura mirë, pra të verdha me disa njolla kafe.
Kështu, ato mund të zgjasin edhe dy ditë më shumë. Megjithatë, ngrirja e bananes për shumë kohë ose në një fazë shumë të hershme pjekjeje mund të ndryshojë shijen dhe vetitë të mira ushqyese të saj.