Se kush dot ë jetë kryeministri i ardhshëm i Shqipërisë këtë do ta vendosin votuesit që do të vulosin rezultatin e zgjedhjeve të përgjithshme parlamentare.
Kështu u përgjigj numri dy i Lëvizjes Socialiste për Integrim Petrit Vasili, i pyetur nëse kjo forcë politike do e kërkojë postin e kryeministrit pas zgjedhjeve.
“E kam parë që janë promovuar nga media këto deklarata të LSI dhe për këtë ndihem mirë. LSI është një forcë politike që hyn në zgjedhje për të fituar, ka pasur gjithnjë ambicie dhe jashtë kësaj pune të palodhur që bën çdo ditë LSI s’do ishte këtu ku është, pra një forcë përcaktuese në qeverisje, por do ishte një parti humbëse. Natyrshëm LSI do vazhdojë të punojë fort që t’i arrijë këto standarde sa më të larta, sigurisht që janë votuesit që e thonë fjalën, do presim çfarë do vendosin ata pastaj do marrim vendimin se çfarë do kërkojmë”- tha Vasili i ftuar në emisionin “Kjo Javë” në News 24.
/Tirananews/