A e dini sa shpesh duhen larë çarçafët? Një eksperte e lavanderisë ka zbuluar se fjetja në çarçafë të pistë mund të jetë e dëmshme për shëndetin.
Mary Marlowe Leverette, duke folur për ATTN shpjegoi se: “Ne djersisim edhe gjatë gjumit dhe trupi lëshon vajra dhe sekrecione të ndryshme. Nëse çarçafët nuk lahen rregullisht, ato mund të kthehen në një burim infeksionesh, sidomos nëse keni ndonjë plagë ose gërvishtje në trup.”
Sipas saj, pëlhurat janë në gjendje të transferojnë infeksione të ndryshme dhe mos larja e tyre shpesh bën që mikrobet e depozituara në to të kalojnë në jastëk e dyshekë, të cilat janë më të vështira për t’u pastruar.