Artisja e famshme Demi Lovato ka shqetësuar fansat e saj me postimin e fundit, ku bënte me dije se gjendja e saj shëndetësore nuk është aspak e mirë. Ajo u shpreh se është e sëmurë rëndë dhe se nuk lëviz dot nga shtrati.
Këngëtarja, e cila aktualisht ndodhet në Kili në një turne, në ditën e performancës së saj në Santiago de Chile u shpreh: “Do të më duhet gjithë ndihma juaj. Do ta drejtoj shpesh mikrofonin drejt publikut sepse kam shumë pak zë”.
Se cili është problemi i vërtetë shëndetësor i ish-yllit të Disney-t nuk dihet, por duket se artistja ka vendosur ta mbyllë me performancën live dhe turneun.
Mesazhi i këngëtares alarmoi fansat e saj, të cilët nxituan të shkruanin mesazhe inkurajuese dhe mbështetje në rrjetet sociale.