Ministri i Brendshëm, Bledi Çuçi ka denoncuar sot një tjetër pallat në Tiranë në kuadër të nismës për goditjen e ndërtimeve pa leje, ku sipas tij në këtë pallat janë ndërtuar 4 kate pa leje. Bëhet fjalë për një ndërtim në rrugën “Myslim Shyri”, me një sipërfaqe prej 2700 m2.
“Jo vetëm që ka kate pa leje, por ka ndryshim skandaloz të projektit, nga ai i miratuar më parë. Nga sot, pasi të bëhen verifikimet e plota për të gjithë sipërfaqen dhe shtesat pa leje do t’i nënshtrohen ligjit. Çdo metër katror që është bërë pa leje do t’i kthehet popullit”.
Dje kryeministri Edi Rama njoftoi se 4,646 metra katrorë pa leje në mes të Tiranës, i kanë kaluar shtetit me kontratë noteriale.