Japonia ka për synim që të fillojë përdorimin e vaksinave të koronavirusit nga qershori i vitit 2021. Kështu deklaroi ministri i Shëndetësisë, ndërkohë që vendi po përpiqet të jetë plotësisht i gatshëm për të pritur deri atëherë.
Shkencëtarët në të gjithë botën po provojnë që të zhvillojnë një trajtim apo vaksinë ndaj COVID-19, sëmundja respiratore e cila shkaktoi numër të lartë të infeksioneve të koronavirusit të ri, që ka vrarë tashmë rreth 400 mijë njerëz në gjithë botën, shkruan “Reuters”.
“Ne do të sigurojmë lehtësime të prodhimit paralelisht me zhvillimin e shpejtë të vaksinave”, tha ministri i Shëndetësisë Katsunobu Kato, ndërsa tregoi planet që të kenë një vaksinë në përdorim deri në fund të gjysmës së parë të 2021-shit.
Qeveria japoneze ka ndarë 1.34 miliardë dollarë për prodhimin dhe shpërndarjen e vaksinave.
“Shionogi & Co” dhe “AnGes Inc” janë firmat farmaceutike japoneze që zhvillojnë vaksina të koronavirusit.
Japonia nuk ka përjetuar numër të lartë të infeksioneve të koronavirusit, të cilat janë parë në vende të tjera në botë. Vendi, deri më tani, ka raportuar rreth 17.000 raste të konfirmuara dhe 900 vdekje nga COVID-19.