Bardheblutë ia dolën të krijojnë sërish distancën komode +9 nga Kukësi i vendit të dytë duke përmbysur disavantazhin 1-0 në 1-2 falë Majkëll Ngosë. Bardheblutë presin rivalin direkt për titull Kukësin në kryeqytet, një sfidë që do të përcaktojë ndoshta përfundimisht fatin e sezonit.
Verilindorët fituan me vuajtje ndaj Bylisit në “Elbasan Arena” falë penalltisë të kthyer në gol nga Vasil Shkurtaj.
Vlerësim maksimal meriton dhe Teuta që merr vendin e tretë në kampionat pas firores 0-3 kundër Vllaznisë dhe humbjes së Laçit 1-0 me Partizanin dhe Skënderbeut 1-2 kundër Tiranës.
Të kuqtë e drejtuar nga Adolfo Sormani u mjaftuan me një gol ndaj kurbinasve në “Air Albania” duke hapur garën për pjesëmarrje në Ligën e Europës.
Për sa i përket sfidës së “të rënëve” nga Superiorja Flamurtari-Luftëtari, vlonjatët shpartalluan 6-1 gjirokastritët në Vlorë duke regjistruar një nga fitoret më të thella në këtë sezon.
