Një debat seksist është regjistruar në seancën e sotme plenare mes deputetit demokrat Xhelal Mziu dhe ministres së Infrastrukturës, Belinda Balluku gjatë interpelancës për rrugën e Arbrit.
Mziu ka deklaruar se 5 vitet e fundit ministrja i është dukur shumë trendy, ndërsa ajo i është përgjigjur se deputeti i preferon shamikuqet, por asaj nuk i shkon të vendosë shami të kuqe. Mziu ndër të tjera e paralajmëroi Ballukun se në Dibër do të ketë fatin e ish-kryebashkiakut Dionis Imeraj.
Mziu: Këto 5 vitet e fundit ke qenë shumë trendy, dhe parashikohej se do ishte pasardhësja e udhëheqësit, por të kanë sjellë në Dibër dhe shumë mirë kanë bërë që të kanë sjellë në Dibër se jam e sigurt që do të ndikojë në karrierën tënde. Të sugjeroja mos të kishte ardhur se do të pësosh fatin e Dionisit në 2021. Mua më intereson rruga e ngelur rrugëve nga ju ministre. Ku është kjo urë aty se unë nuk e kam parë këtë urë, në webin tuaj e të Kryeministrisë është kjo rruga, madje këtu pranë është dhe ministrja sa ta gjej dhe atë se ka pasur paraqitje tjetër më përpara.
Balluku: Faktikisht jam pasardhëse e Haki Sharofit, që nderon gjithë Dibra, Por kam dyshimet e mia që ti e njeh. Se shkon radhë në Dibër. Nuk të presin ndaj. Edhe për qershitë që thua, e ke personale. U mendova që mos të merresha me gjobën dhe kallëzimet. Por ti e ke personale se nuk shkëputeshim dot nga personalja, siç u more dhe me pamjen time. Ti ndoshta më do me shami të kuqe, por mua shamitë nuk më shkojnë. Qëndrojmë te teknikalietet e rrugës. E kam provuar shaminë, por nuk më shkon, mund të vë kapele dhe gjëra të tjera. Unë e di që zotëria i ka preferencat me shami të kuqe. Ti që tregon diskriminim, duhet të ishte çuar dhe ti thoje që mos të flasë kolegu dhe mos të merret me look-un e zonjës (I drejtohet deputetes së PD) . Ju zonja i lejoni që të merret me ministret dhe deputetet. Pamja ime është kjo gjë është, por punët i bëj mirë. Ato që i keni lënë rrugëve, unë i mbyll për 12 muaj. Viti im i punës është ai që është. Ne çohemi në mëngjes, dalim votohemi. E dinë atë që të duhet të votojnë. Zoti Mziu bëri thirrje në Dibër; votoni Edi Ramën. Ju nuk shpikni dot gjë, se merrni dhe thëniet tona; rrugët po i lini rrugëve.