Kryeministri Edi Rama gjatë fjalës së tij në ceremoninë e nisjes së stërvitjes ushtarake “Defender Europe 21” përmendi dhe brumosjen nga propaganda e regjimit komunist në vend, ku SHBA cilësohej si e keqja më e madhe.
“Është lumturi e veçantë t’ju kemi mes nesh. Ju falënderoj në krye të herës për fjalët që drejtuat sot dhe për vlerësimin që i bëtë përpjekjes kundër pandemisë. Shumë të nderuar gjeneralë, është kënaqësi e madhe dhe nder të kemi kaq shumë yje në një vend të vogël. Kam bindjen se kjo stërvitje është shumë më tepër. Ne vazhdimisht i vlerësojmë marrëdhëniet si të shkëlqyera, por mund të jenë gjithmonë e më shumë falë një besimi të madh. Gjenerata jonë lindi dhe u rrit ne gjysmën e jetës me idenë që iu nuk duhet kishit lënë kurrë të shkelnit në këtë vend. Ne të gjithë u brumosur nga propaganda e regjimit me bindjen se jeni e keqja më e madhe që mund t’i ndodhë Shqipërisë dhe mbarë botës. Është mrekulli e madhe që e kemi ndarë jetën mes dy botëve. Edhe ju do të ndodhë ajo që u ndodh të gjithëve kur vijnë në Shqipëri; duan të kthehen. Shqipëria nuk këshillohet për të ardhur për shkak të stereotipet, por kush vjen dëshiron të kthehet përsëri. Kam besim që kjo do ndodhë edhe me ju”, tha Rama.
Ai e cilësoi këtë stërvitje si një mesazh të qartë për vendet e rajonit dhe qëndrimin e vendosur të Shqipërisë brenda aleancës së NATO dhe në krah të SHBA-ve.