Ish-zv.Presidenti Joe Biden ka dekarluar se se do të marrë pjesë në garën për President, duke i dhënë fund kështu muajve spekulime mbi këtë veprim të tij.
Në një video ku bëri të ditur lajmin, Biden paralajmëroi se “vlerat thelbësore të kombit….demokracia jonë, gjithçka që e ka bërë Amerikën Amerikë është në rrezik”. 76-vjeçari hyn në një garë me shumë të tjerë për emrin e demokratëve amerikanë për kandidat për president, dhe bëhet fjalë për 19 të tjerë, mes të cilëve senatorja Elizabeth Warren, Kamala Harris dhe Bernie Sanders.
Ai solli në vëmendje reagimin shumë të kiritkuar të presidentit Donald Trump për sulmin në Charlottesville në 2017, duke thënë se SHBA është “në një betejë për shpirtin e këtij kombi”.
“Unë shpresoj që historia do të shohë pas në këto katër vjet të këtij presidenti dhe gjithçka që ai përqafon në një moment të gabuar. Por nëse i japim Donald Trump tetë vite në Shtëpinë e Bardhe, ai do të ndryshojë përgjithmonë dhe në mënyrë thelbësore karakterin e kombit tonë, cilët jemi ne dhe unë nuk mund të rri dhe të shohë këtë të ndodhë”, ka thënë Biden.
Ai është një nga kandidatet më me eksperiencë të demokratëve. Senatori për gjashtë mandate, shërbeu si zëvendës i Presidentit Barack Obama për dy mandate dhe pati dy gara të pasukesshme për president, në 1988 dhe 2008.
Ai do kandidonte dhe në 2016 por u tërhoq pas vdekjes së djalit të tij 46-vjeçar, Beau Biden, nga një tumor në tru.