Kishte thirrje për një hetim të pavarur, pas dënimit të një ‘bishe të egër’ seksi për përdhunimin e shtatë vajzave dhe motrës së tij. James O’Reilly, 75 vjeç u burgos të hënën për 20 vjet për përdhunimin e përsëritur dhe abuzimin seksual të motrës së tij më të vogël dhe shtatë vajzave për një periudhë 23-vjeçare.
Babai i lig u nënshtroi vajzave të reja abuzimit seksual “të tmerrshëm”, si dhe rrahjeve fizike, uri dhe degjenerim.
Helen O’Donoghue, vajza e një prej viktimave, lexoi një deklaratë në emër të tyre jashtë Gjykatës Qendrore Penale të hënën. Familja e pyeti pse autoritetet nuk ndërhynë më shpejt.
Gjatë abuzimeve që ndodhën mes viteve 1977 e 2000, O’Reilly përdhunoi një nga bijat e tij, duke e lënë shtatzënë në 1988. Prandaj ai e këshilloi atë të thoshte se ishte përdhunuar nga dikush tjetër.
Ai vazhdoi të abuzonte me të dhe ndaloi vetëm kur ajo e kërcënoi me thikë. Testet e mëvonshme të ADN treguan se ai ishte babai, dhe kjo u përdor kundër tij në dhënien e dënimit.
Një nga viktimat tha se ishte lënë pa ngrënë dhe ishte detyruar të lypte për ushqim, ndërsa një tjetër tha se nuk e dinte çfarë ishin dhuratat e Krishtlindjes deri sa ishte bërë e rritur.
O’Reilly, nga Killeens, në Irlandë, u deklarua i pafajshëm për 81 akuzat e përdhunimit dhe sulmeve seksuale. Por në fillim të vitit, ai ishte shpallur fajtor nga juria për 58 përdhunime e 9 sulme seksuale.
Prokurorja Caroline Biggs SC, tha se shtatë vajzat kishin kërkuar të drejtën e anonimatit pas emërimit të abuzuesit të tyre. Ato u panë duke festuar jashtë gjykatës kur u dha dënimi për O’Reilly.
O’Reilly ishte rreth 34 vjeç kur abuzoi viktimën e tij të parë, motrën e tij 13 vjeçare. Pas disa vitesh, ai nisi të abuzonte me vajzën e tij, në kohën kur bashkëshortja ishte në spital shtatzënë.
Në vitin 1977, kur e bija ishte rreth tetë vjeç, ai e përdhunoi në një furgon dhe i tha se nëse tregonte, do ta dërgonte për adoptim. Në gjyq u tha se familja jetoi gjatë një periudhe në një shtëpi në Dublin.