Jeta dhe karriera e Tupac Shakur po bëhet zyrtarisht një dokumentar. FX ka publikuar videon zyrtare të filmit, i cili vjen këtë pranverë dhe titullohet “E dashur mama”. Dokumentari ka marrë emrin nga kënga me të njëjtin titull të reperit legjendar.
Në fakt, ky dokumentar do të eksplorojë edhe marrëdhënien e 2Pac me nënën e tij, ku siç dihet kaloi disa vështirësi si për të mbetur shtatzënë ashtu edhe për ta rritur.
Jeta e reperit legjendar rikthehet në rrëfimin e ri që do të tregohet në serialin dokumentar, i cili ka në fokus nënën e tij, Afeni Shakur.
Filmi do të përbëhet nga 5 episode, të cilët nga regjisori, Allen Hughes, i cili është nominuar edhe për çmimin Emmy. Historia do të flitet nga njerëz që e njihnin nënën e djalin më mirë se kushdo.
Vlen të theksohet se çdo episod do të jetë i disponueshëm edhe në Hulu, pasi të jetë transmetuar në FX.
“Dear Mama” do të shfaqet premierë për publikun në pranverën e vitit 2023 dhe duke qenë se është një prodhim FX, ekziston mundësia që të jetë i disponueshëm edhe në Disney Plus.