Vllaznia duket se po kthehet në skuadrën që po preket nga “Covid-19”. Kështu, pas kapitenit Gurishta dhe mbrojtësit Imami, ditën e sotme ka rezultuar pozitiv me Koronavirus, edhe zv.trajneri i skuadrës shkodrane Elvis Plori, i cili kreu testin dhe sot për të doli përgjigja e tamponit.
Ndihmësi i Tomas Brdariç, shkodrani Elvis Plori do të vetkarantinohet ashtu si dhe dy lojtarët shkodranë për dy javë, kohë e cila do për t’u rikuperuar dhe për t’iu larguar simptomave.
Gjithsesi, në Shkodër shpresojnë që të mos ketë më të tjera raste, e për më tepër që kampionati mund të rifillojë javën që vjen.