Pak ditë më parë, interesimit të shumë klubeve për Marash Kumbullën iu shtua edhe Napoli. Madje vetë agjenti i mbrojtësit u shpreh se të kaltrit janë gjithnjë të vëmendshëm ndaj talenteve dhe në këtë formë edhe Kumbulla është në vëzhgim.
Por, për sezonin surprizues që po zhvillon Verona deri më tani në elitën e futbollit italian, një meritë të madhe ka edhe reparti i mbrojtjes. Pjesë e të cilit përveç Kumbullës, është edhe Amir Rrahmani. Ish-futbollisti i Partizanit, u transferua këtë verë në Serinë A nga Dinamo Zagreb, ndërsa po zhvillon paraqitje të nivelit të lartë nga java në javë.
Kështu, edhe Rrahmani ka fituar interesimin e Napolit. 25-vjeçari krahasohet me Skriniar për nga fiziku dhe personaliteti dhe për shoqërinë e drejtuar nga Aurelio De Laurentis përbën një mundësi të shkëlqyer.