Shumë personazhe të showbizit akuzohen shpeshherë për përdorim photoshopi, por tani mos të qahemi fare prej fotove të tyre se edhe Trump përdorka photoshop. Trump po akuzohet se ka përdorur photoshop në kartolinën e Krishtlindjeve ku shfaqet së bashku me Melaninë.
Çifti kanë pozuar të veshur me kostume të zinj, teksa qëndrojnë në shkallët e Shtëpisë së Bardhë.
Mirëpo përdoruesit e Twitter mendojnë se Trump nuk ka qenë me të vërtetë aty. Thuhet se krah Melanisë është photoshop-uar një foto e vjetër e Trump, e realizuar në vitin 2019. Veshja, fytyra e tij dhe shikimi duket identik me një foto të realizuar gjatë një vizite në Londër.
Madje dhe një ekspert photoshopi shprehet se ka diçka të çuditshme në kartolinën e Krishtlindjeve të Trump dhe Melanisë.
Megjithatë të vërtetën e dinë vetëm ata…dhe ai që ka photoshop-uar foton (sigurisht nëse është photoshop)!
