Presidenti amerikan Joe Biden do të takohet me homologun kinez Xi Jinping për herë të fundit të shtunën, thanë zyrtarë të lartë të administratës amerikane, ndërsa Pekini përgatitet për një periudhë potencialisht më konfrontuese me Uashingtonin nën drejtimin e Donald Trump.
Të dy udhëheqësit pritet të zhvillojnë bisedime që përfshijnë një sërë pikash të ‘nxehta’ globale, duke përfshirë tensionet e rritura midis Uashingtonit dhe Pekinit, në margjinat e forumit të Bashkëpunimit Ekonomik Azi-Paqësor në Lima, Peru.
Do të jetë ndërveprimi i tyre i parë i njohur që nga telefonata në prill.
Biden dhe Xi rivendosën bisedimet në nivel lideri nëntorin e kaluar, të cilat prodhuan më shumë bashkëpunim në përpjekjet kundër narkotikëve, por pak lëvizje për çështje më të mëdha si një konflikt i mundshëm mbi Tajvanin, ishullin e qeverisur në mënyrë demokratike që Kina e pretendon si territorin e saj.