Jonida Maliqi ishte sot e ftuar në “Abc e Pasdites”, ku ka folur rreth jetës private dhe asaj profesionale.
Duke iu kërkuar një mendim për vitin 2021, referuar lajmeve, ajo u pyet edhe nëse është mirë të ndahet me publikun jeta private.
“Nuk ia vlen. Në mënyrë absolute. Megjithatë unë i jetoj gjërat dhe më është dashur në momente të caktuara t’i ndaj me publikun, por jo më. Jeta private duhet të mbetet private. Kam marrë një leksion të mirë”, tha ajo.
Por, a pret ajo një dashuri zemre në 2022?
“Ku e di ti që s’e kam”, u përgjigj ajo, duke ngritur goxha pikëpyetje.
Donaldi varësen, Romeo xhaketën… Këto detaje i kanë bërë ndjekësit të dyshojnë se si e vazhdon lidhjen Jonida Maliqi.
Mes të tjerash, ajo foli edhe për Festivalin e Këngës: “Nuk e mendoj dy herë, por thashë ‘po’ menjëherë, meqë jam rritur në festival, artistikisht dhe fizikisht”.
“Kam qenë një veterane e kompeticioneve dhe e festivaleve. Jam rritur me çmime, disfata, net finale dhe jo të tilla. Gjithmonë kam qenë e dashuruar pas kompeticionit, garës së festivalit”, shtoi Jonida.