Këngëtarja e njohur, Jonida Maliqi i ka dedikuar djalit të saj Dan, fjalët më të ëmbla në ditën e tij të lindjes. Me anë të një postimi në ‘Instagram’, Jonida ka zbuluar se si është ndjerë kur u bë nënë për herë të parë me djalin e saj.
“Para 8 vitesh, jeta ime ndryshoi rrënjësisht sepse u bekova me ty dashuria ime. Fjalët nuk e përshkruajnë dot ndjesinë, kur të kisha pjesë të trupit tim e aq më shumë momentin kur të pashë e të preka për të parën herë. Ti je ekzistenca ime, dashuria, dhimbja, lumturia dhe frika më e madhe që më kaplon në çdo moment të ditës. Zoti qoftë përherë pranë teje, siç jemi ne familja jote, engjëlli im Dan”, ka shkruar artistja krah fotos ku shfaqet me barkun e rrumbullakosur, teksa ka qenë në pritje të ëmbël me fëmijën e saj të parë.
Jonida ka publikuar herë pas here momente të ndryshme me djalin, Dan, i cili duket se është prioriteti dhe dashuria më e madhe e këngëtares.