Anëtarja e kryesisë së Partisë Demokratike, Jonila Godole tha në një intervistë për Euronews Albania se situata aktuale në PD po vjen në një formë të tillë që i jep më shumë shanse Lulzim Bashës për t’u kthyer në krye.
Ajo u shpreh se duket se fituesi është i paracaktuar.
“Kjo në vend që të hapë garën, kjo e mbyll garën dhe nuk kam çfarë them aty, shumica vendosi kështu. Ne këtu do jemi, ne do të flasim bashkë prap dhe do të kemi të njëjtat probleme siç kemi folur vjet pas zgjedhjeve, do të jetë e njëjta gjë, ata prap nuk do të mbajnë përgjegjësi,” – u shpreh Godole.
Sipas saj analiza nuk mund të bëhet bashkë me procesin e certifikimit të antarësisë. Në një parti, siç sqaroi Godole, analiza duhet të jetë shkencore dhe jo thjesht një bashkëbisedim me njëri-tjetrin.