Ish-kryetarja e Kuvendit Jozefina Topalli në një intervistë për RTSH-në, tha sot se në vend ka nevojë për nisjen e një lëvizjeje radikale nga qytetarët që të kryesohet nga figura të reja përfaqësuese. Topalli akuzoi kryetarin e PD Lulzim Basha se ndan të njëjtat interesa politike dhe ekonomike me Kryeministrin Rama. Ish-nënkryetarja e PD-së tha se do të vijojë betejën politike jashtë PD-së, për mbrojtjen e interesave të qytetarëve dhe demokratëve të papërfaqësuar.
“Kur ju shihni diçka që nuk është në rrugën e duhur, nuk është e ndershme, nuk është e drejtë, ju duhet të flisni.Ju duhet të thoni diçka, ju duhet të bëni diçka”, shkruan Topalli në Facebook.