Një ndër problemet më të mëdha, sidomos gjatë verës, është ajo nuanca e verdhë që krijohet në zonën e sqetullës nga djersitja. Megjithatë, ndonëse mund të duket e vështirë, ka disa produkte shtëpiake që do t’ju ndihmojnë që ta hiqni këtë njollë sa më lehtë.
Përbërësit që do t’ju nevojiten janë:
1 filxhan uthull
1/2 filxhan sode buke
1 lugë gjelle kripë
Shumica e njerëzve mendojnë se njollat e djersës shkaktohen nga vetë djersa. Por ky nuk është realiteti. Në thelb, njolla shkaktohet nga reagimi i deodorantit që përdorni me trupin tuaj. Për të zgjidhur këtë problem, përzieni uthullën, ujin dhe kripën në një enë. Aplikojeni këtë përzierje mbi njolla.
Fërkojeni lehtë dhe lëreni të qëndrojë për 20 minuta. Vendosni rrobat tuaja në lavatriçe së bashku me pjesën tjetër të rrobave tuaja dhe lajini ato rregullisht. Njollat tuaja do të zhduken dhe do të keni përsëri të bardha pa zverdhje mbi to.