Ndonjëherë nga pakujdesia, ndonjëherë mund tu kenë vjedhur apo edhe të keni dëmtuar lejen tuaj të drejtimit. Për ta rimarrë do ju duhet të bënit dokumentet nga e para që përfshijnë një sërë burokracish, por tashmë jo më.
Drejtoria e Përgjithshme e Shërbimeve të Transportit Rrugor bën të ditur se nga 16 shtatori do të ketë procedura më të shpejta.
DPSHTRR thotë se përveç rinovimit, qytetari do gëzojë edhe të drejtën për të marrë dublikat pa qenë nevoja për një raport mjeksor apo foto të re dhe me tarifë më të ulët.
Pra, nuk do të duhet të paraqitesh tre herë për të marrë patenten dublikat. Si fillimi duhet të dorëzohet denoncimi, më pas prodhohet kartoni dublikat, të cilën mund ta tërheqë edhe ndonjë i afërm me vetëdeklarim.
Më tej dorëzohet kartoni i dëmtuar dhe dublikati merret brenda 30 minutash.