Prej disa muajsh, këngëtari dhe kantautori i njohur Flori Mumajesi është larguar nga çdo rrjet social dhe nuk ka publikuar më asnjë projekt të ri muzikor.
Më herët, ai ka lajmëruar se po mendonte të hiqte dorë nga muzika dhe ende nuk e dimë nëse largimi i tij është përfundimtar, apo Flori do të rikthehet sërish në muzikë.
Ditën e djeshme, ai festoi 37-vjetorin e tij të lindjes dhe megjithëse nuk u bë fare i gjallë, fansat nuk harruan ta uronin në Instagram.
Teksa të gjithë jemi kuriozë të dimë se ç’ka ndodhur me këngëtarin, burime të “Albeu.al” kanë zbuluar të vërtetën e zhdukjes së tij.
Mësohet se Flori ndodhet aktualisht në Norvegji, për arsye personale që nuk lidhen me anën e tij profesionale. Këtë e kanë bërë të ditur miq të afërt të këngëtarit dhe ende nuk dihet për sa kohë Flori do të qëndrojë atje.
Ne shpresojmë që Flori të rikthehet sa më shpejt në muzikë, pasi dita-ditës po i mungon gjithnjë e më shumë publikut shqiptar!